ഇന്ത്യൻ ഫാമിലി അസോസിയേഷൻ (IFA) 2026–2027 കാലയളവിലേക്കുള്ള പുതിയ എക്സിക്യൂട്ടീവ് ബോർഡ് അംഗങ്ങളെ തിരഞ്ഞെടുക്കപ്പെട്ടു.
സമൂഹത്തിലെ ഐക്യവും സാംസ്കാരിക പാരമ്പര്യവും നിലനിർത്തുന്നതിനും സാമൂഹിക, സാംസ്കാരിക, സേവന പ്രവർത്തനങ്ങൾ ശക്തിപ്പെടുത്തുന്നതിനുമായി പ്രവർത്തിക്കുന്ന ഐ.എഫ്.എയുടെ പുതിയ നേതൃസംഘം വിവിധ മേഖലകളിൽ പ്രവർത്തന പരിചയമുള്ള അംഗങ്ങളെയാണ് ഉൾക്കൊള്ളുന്നത്.
പുതുതായി തിരഞ്ഞെടുക്കപ്പെട്ട എക്സിക്യൂട്ടീവ് ബോർഡിൽ പ്രസിഡന്റായി സാന്റി മനോജ്, സെക്രട്ടറിയായി സ്മിത്ത് എസ്. കുമാർ, ട്രഷററായി ബിനോയ് ജോസഫ് എന്നിവരാണ് തിരഞ്ഞെടുക്കപ്പെട്ടത്. കൂടാതെ വൈസ് പ്രസിഡന്റായി ജിയോ ജോസ്, ജോയിന്റ് സെക്രട്ടറിയായി സിമി കുര്യൻ, ജോയിന്റ് ട്രഷററായി വിശാൽ ബേബി എന്നിവരും എക്സിക്യൂട്ടീവ് ബോർഡിൽ അംഗങ്ങളായി ചുമതലയേൽക്കും.
ഇതിനോടൊപ്പം പുതുതായി തിരഞ്ഞെടുക്കപ്പെട്ട കമ്മിറ്റി അംഗങ്ങളായി അലൻ ഷാജി, അനൂപ് പി. ജോസ്, ഡോണി സ്കറിയ, ജിന്റോ തോമസ്, ജോമോൻ തോമസ്, ആഷ്ലി സ്കറിയ, ജീന ദിനിൽ എന്നിവരും തെരഞ്ഞെടുക്കപ്പെട്ടു.
പുതിയ കമ്മിറ്റിയുടെ നേതൃത്വത്തിൽ ഐ.എഫ്.എ സമൂഹത്തിലെ ഐക്യവും കൂട്ടായ്മയും കൂടുതൽ ശക്തിപ്പെടുത്തുന്നതിനൊപ്പം സാംസ്കാരിക പരിപാടികൾ, സാമൂഹിക സേവന പ്രവർത്തനങ്ങൾ, യുവജന പ്രവർത്തനങ്ങൾ എന്നിവ കൂടുതൽ വ്യാപിപ്പിക്കുമെന്ന് പ്രസിഡന്റായി തെരഞ്ഞെടുക്കപ്പെട്ട സാന്റി മനോജ് അറിയിച്ചു. സംഘടനയുടെ ലക്ഷ്യങ്ങൾ മുന്നോട്ട് കൊണ്ടുപോകുന്നതിനും സമൂഹത്തിന്റെ ക്ഷേമത്തിനും പുതിയ കമ്മിറ്റി സമർപ്പിതമായി പ്രവർത്തിക്കുമെന്ന് അദ്ദേഹം കൂട്ടിച്ചേർത്തു.
സെക്രട്ടറി സ്മിത്ത് എസ്. കുമാർ സംഘടനയുടെ ഭാവി പ്രവർത്തനങ്ങൾക്ക് കൂടുതൽ പുതുമയും സജീവതയും നൽകുന്നതിനായി വിവിധ പദ്ധതികൾ നടപ്പാക്കുമെന്ന് വ്യക്തമാക്കി. ട്രഷറർ ബിനോയ് ജോസഫ് സംഘടനയുടെ സാമ്പത്തിക കാര്യങ്ങൾ സുതാര്യമായി മുന്നോട്ടുകൊണ്ടുപോകുമെന്നും അംഗങ്ങളുടെ സഹകരണത്തോടെ സംഘടനയെ കൂടുതൽ ശക്തിപ്പെടുത്തുമെന്നും അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ (യു ക് മി) UCMI കമ്മ്യൂണിറ്റിയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.