2026/2027 സ്കൂൾ വർഷത്തേക്കുള്ള സ്കൂൾ ഗതാഗത അപേക്ഷകളും പേയ്മെന്റുകളും ഇപ്പൊൾ സമർപ്പിക്കാം
2026/27 സ്കൂൾ വർഷത്തേക്കുള്ള പേയ്മെന്റുകൾക്കും അപേക്ഷകൾക്കുമായി സ്കൂൾ ട്രാൻസ്പോർട്ട് ഫാമിലി പോർട്ടൽ ഇപ്പോൾ തുറന്നിരിക്കുന്നു.
എല്ലാ അപേക്ഷകൾക്കും പേയ്മെന്റുകൾക്കുമുള്ള അവസാന തീയതി മെയ് 8 വെള്ളിയാഴ്ചയാണ് . അതിനുശേഷം ഒരു കാലയളവിലേക്ക് ഫാമിലി പോർട്ടൽ അടയ്ക്കും.
ഫാമിലി പോർട്ടൽ (Family Portal) വെബ്സൈറ്റ് ആഴ്ചയിൽ ഏഴു ദിവസവും 24 മണിക്കൂറും ലഭ്യമാണെന്ന് ബസ് ഐറാൻ ഉപഭോക്താക്കളെ ഓർമ്മിപ്പിക്കുന്നു. ഞങ്ങളുടെ വെബ്സൈറ്റിന് ചില സമയങ്ങളിൽ വളരെ ഉയർന്ന ഡിമാൻഡ് അനുഭവപ്പെടുന്ന അവസരങ്ങളുണ്ട്. അങ്ങനെ ഉണ്ടായാൽ പിന്നീട് വീണ്ടും ശ്രമിക്കാൻ ഞങ്ങൾ ഉപഭോക്താക്കളോട് ആവശ്യപ്പെടുന്നു,
2026/2027 സ്കൂൾ വർഷത്തേക്കുള്ള പേയ്മെന്റുകളുടെ വിശദാംശങ്ങൾ ഇപ്രകാരമാണ്;
പ്രൈമറി സ്കൂൾ ഗതാഗതം:
ഒരു കുട്ടിക്ക് €100. പ്രൈമറി സ്കൂൾ ഗതാഗത പദ്ധതിയിൽ മൂന്നോ അതിലധികമോ കുട്ടികളുള്ള അക്കൗണ്ട് ഉടമകൾക്ക്, പരമാവധി കുടുംബ ചാർജ് €200 ബാധകമായിരിക്കും.
പോസ്റ്റ് പ്രൈമറി സ്കൂൾ :
ഒരു കുട്ടിക്ക് €100. പോസ്റ്റ് പ്രൈമറി സ്കൂൾ ഗതാഗത പദ്ധതിയിൽ മൂന്നോ അതിലധികമോ കുട്ടികളുള്ള അക്കൗണ്ട് ഉടമകൾക്ക്, പരമാവധി കുടുംബ ചാർജ് €220 ആയിരിക്കും. ബാധകമാകുന്ന പരമാവധി കുടുംബ പേയ്മെന്റ് €220 ആണ്.
മുമ്പത്തെപ്പോലെ, പേയ്മെന്റുകൾ/മെഡിക്കൽ കാർഡ് വിശദാംശങ്ങൾ സമർപ്പിക്കേണ്ടത് ഇപ്രകാരം:
- പുതിയ അപേക്ഷകരും;
- സ്കൂൾ ഗതാഗതത്തിന് മുമ്പ് അപേക്ഷിച്ചിട്ടുള്ള/ലഭിച്ചിട്ടുള്ള വിദ്യാർത്ഥികൾക്കും 26/27 അധ്യയന വർഷത്തേക്ക് ഒരു സർവീസിൽ സീറ്റ് ആവശ്യമുള്ളവർക്കും.
സ്കൂൾ ഗതാഗതത്തിന് അർഹതയുള്ള കുട്ടികൾക്കും സാധുവായ മെഡിക്കൽ കാർഡുകൾ (ജിഎംഎസ് സ്കീം) ഉള്ളവർക്കും വാർഷിക ചാർജ് അടയ്ക്കുന്നതിൽ നിന്ന് ഇളവ് നൽകിയിട്ടുണ്ട്, എന്നിരുന്നാലും അവരുടെ മെഡിക്കൽ കാർഡ് വിശദാംശങ്ങൾ ഫാമിലി പോർട്ടൽ പേയ്മെന്റ് വിഭാഗം വഴി ബസ് ഐറന്നിൽ സമർപ്പിക്കണം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ (യു ക് മി) UCMI കമ്മ്യൂണിറ്റിയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.