ബാഗ്ദാദ്: പശ്ചിമേഷ്യയില് വർദ്ധിച്ചുവരുന്ന സൈനിക-സുരക്ഷാ സംഘർഷങ്ങളില് അയവ് വരുത്തുന്നതിനും പ്രാദേശിക ശക്തികളായ ഇറാനും സൗദി അറേബ്യയ്ക്കും ഇടയിലുള്ള ബന്ധം മെച്ചപ്പെടുത്തുന്നതിനുമായി ഒരു സംയുക്ത സുരക്ഷാ കോർഡിനേഷൻ കൗണ്സില് രൂപീകരിക്കാൻ നിർദ്ദേശിച്ച് ഇറാഖ്.
ആയുധങ്ങള് പൂർണ്ണമായും ഭരണകൂടത്തിന്റെ നിയന്ത്രണത്തില് കൊണ്ടുവരിക എന്നത് ഇറാഖിന്റെ തന്ത്രപ്രധാനമായ തീരുമാനമാണെന്നും യുദ്ധവും സമാധാനവും സംബന്ധിച്ച തീരുമാനങ്ങള് എടുക്കാനുള്ള പൂർണ്ണ അവകാശം ഇറാഖ് സർക്കാരില് മാത്ര നിക്ഷിപ്തമാണെന്നും അല്-അറാജി വ്യക്തമാക്കി.
സായുധ സംഘങ്ങളെ നിഷ്പ്രഭമാക്കുന്നതിനായി കഴിഞ്ഞ ജൂണ് 3-നാണ് ഇറാഖി സൈന്യം പ്രത്യേക സമിതി രൂപീകരിച്ചത്. ഇറാഖ് വിദേശകാര്യ മന്ത്രി ഫുആദ് ഹുസൈനും സൗദി വിദേശകാര്യ മന്ത്രി ഫൈസല് ബിൻ ഫർഹാനും മേഖലയിലെ സമാധാന അന്തരീക്ഷത്തെക്കുറിച്ച് ചർച്ച നടത്തി ദിവസങ്ങള്ക്കുള്ളിലാണ് ഈ നീക്കം.
ജൂലൈ 27-ന് ഇറാഖ് അതിർത്തിക്കുള്ളില് നിന്ന് എത്തിയതെന്ന് കരുതുന്ന ഡ്രോണുകള് സൗദിയുടെ എണ്ണ ഉല്പ്പാദന കേന്ദ്രങ്ങള്ക്ക് നേരെ ആക്രമണത്തിന് ശ്രമിച്ചിരുന്നു. ഇതേത്തുടർന്ന് ഇറാഖ് പ്രധാനമന്ത്രി അലി അല്-സെഇദി അന്വേഷണത്തിന് ഉത്തരവിടുകയും ചെയ്തിരുന്നു. പ്രാദേശിക സംഘർഷങ്ങളുടെ വേദിയാകുന്നതിന് പകരം ചർച്ചകളുടെ കേന്ദ്രമായി മാറാനാണ് ഇറാഖ് നിലവില് ശ്രമിക്കുന്നത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ (യു ക് മി) UCMI കമ്മ്യൂണിറ്റിയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.