അയര്‍ലണ്ടില്‍ വരാനിരിക്കുന്ന പൗരത്വ ചടങ്ങ് - 2025 സെപ്റ്റംബർ 15 തിങ്കളാഴ്ചയും 16 ചൊവ്വാഴ്ചയും ഡബ്ലിനിലെ കൺവെൻഷൻ സെന്ററിൽ നടക്കും. സ്ഥിരം വേദിയായ കൗണ്ടി കെറി താല്‍ക്കാലികമായി മാറ്റപ്പെട്ടു.
ചടങ്ങിന് പങ്കെടുക്കാൻ അർഹർ ആയവർക്കുള്ള ഇൻവിറ്റേഷൻ ലെറ്ററുകൾ തയ്യാറാവുന്ന മുറയിൽ അയച്ചു തുടങ്ങും. ഈ ഘട്ടത്തിൽ ക്ഷണം സ്ഥിരീകരിക്കാൻ ഞങ്ങൾക്ക് കഴിയാത്തതിനാൽ, ഈ കാര്യത്തിൽ ദയവായി ഞങ്ങളെ ബന്ധപ്പെടരുത്... വകുപ്പ് അറിയിച്ചു
ചടങ്ങുകള്‍ക്ക് ഇതുവരെ ക്ഷണം ലഭിച്ചവര്‍ ആ ദിവസം സ്ഥിരീകരണ ആവശ്യങ്ങൾക്കായി സാധുവായ പാസ്‌പോർട്ട് പോലുള്ള തിരിച്ചറിയൽ രേഖകൾ ഹാജരാക്കേണ്ടതുണ്ട്. സാധുവായ പാസ്‌പോർട്ട് ഹാജരാക്കാൻ കഴിയുന്നില്ലെങ്കിൽ ദയവായി മറ്റ് തിരിച്ചറിയൽ രേഖകൾ കൊണ്ടുവരണം.
ചടങ്ങിൽ പുതിയ പൗരന്‍മാര്‍ അയര്‍ലണ്ട് രാഷ്ട്രത്തോടുള്ള വിശ്വസ്തതയുടെ പ്രതിജ്ഞയെടുക്കും. ചടങ്ങിൽ യഥാർത്ഥ പൗരത്വ സർട്ടിഫിക്കറ്റുകൾ നൽകില്ല. പകരം, പരിപാടിക്ക് ശേഷം ആൻപോസ്റ്റ് വഴി ആളുകളുടെ രജിസ്റ്റർ ചെയ്ത വിലാസത്തിലേക്ക് പൗരത്വ സർട്ടിഫിക്കറ്റുകൾ രജിസ്റ്റർ ചെയ്ത തപാൽ വഴി വിതരണം ചെയ്യും.
ഒരു ചടങ്ങിൽ എന്താണ് സംഭവിക്കുന്നതെന്നതിനെക്കുറിച്ചുള്ള കൂടുതൽ വിവരണം ഇവിടെ വായിക്കുക.
ഇവിടെ പോസ്റ്റു ചെയ്യുന്ന അഭിപ്രായങ്ങൾ (യു ക് മി) UCMI കമ്മ്യൂണിറ്റിയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.