ഫ്ലോറിസ് കൊടുങ്കാറ്റിന് മുന്നോടിയായി എട്ട് കൗണ്ടികൾക്ക് കാലാവസ്ഥാ മുന്നറിയിപ്പുകൾ

ബാങ്ക് ഹോളിഡേ വാരാന്ത്യത്തിന്റെ അവസാനത്തിൽ സ്റ്റോം ഫ്ലോറിസ് യുകെയിൽ നിന്ന് അയർലണ്ടിലേക്ക് എത്തും. സ്ട്രോം ഫ്ലോറിസിന് മുന്നോടിയായി എട്ട് കൗണ്ടികൾക്ക് മഞ്ഞ സ്റ്റാറ്റസ് കാലാവസ്ഥാ മുന്നറിയിപ്പുകൾ നൽകിയിട്ടുണ്ട്.

കാലാവസ്ഥാ മുന്നറിയിപ്പുകൾ

• സ്റ്റാറ്റസ് മഞ്ഞ : ക്ലെയർ, ഗാൽവേ, മയോ,സ്ലൈഗോ എന്നീ കൗണ്ടികളിൽ തിങ്കളാഴ്ച പുലർച്ചെ 2 മണി മുതൽ ഉച്ചയ്ക്ക് 1 മണി വരെ മെറ്റ് ഐറാൻ കാറ്റ് മുന്നറിയിപ്പ് നൽകിയിട്ടുണ്ട്. 
• സ്റ്റാറ്റസ് മഞ്ഞ : കാവൻ, ഡൊണഗൽ, മോനാഗൻ, ലീട്രിം എന്നീ കൗണ്ടികളിൽ തിങ്കളാഴ്ച പുലർച്ചെ 4 മണി മുതൽ വൈകുന്നേരം 4 മണി വരെ കാറ്റ് മുന്നറിയിപ്പ് ഉണ്ടായിരിക്കും.
• സ്റ്റാറ്റസ് മഞ്ഞ : ഡൊണഗൽ, ഗാൽവേ, ലീട്രിം, മയോ, സ്ലൈഗോ എന്നീ കൗണ്ടികളിൽ  തിങ്കൾ  4 മണി മുതൽ വൈകുന്നേരം 4 മണി വരെ മഴ മുന്നറിയിപ്പ് ഉണ്ടായിരിക്കും.
• സ്റ്റാറ്റസ് യെല്ലോ: വടക്കൻ അയർലണ്ടിലെ ആറ് കൗണ്ടികളിൽ സ്റ്റാറ്റസ് യെല്ലോ മഴയും കാറ്റും മുന്നറിയിപ്പ് നൽകിയിട്ടുണ്ട്, ബ്രിട്ടണിലും ശക്തമായ കാറ്റും കനത്ത മഴയും ഉണ്ടാകുമെന്ന് പ്രവചിക്കപ്പെടുന്നു. തിങ്കളാഴ്ച രാവിലെ 6 മുതൽ ചൊവ്വാഴ്ച രാവിലെ 6 വരെയാണ് ഇത് പ്രാബല്യത്തിൽ വരിക.

കാറ്റുള്ള പ്രദേശങ്ങളിൽ വാഹനമോടിക്കുന്നതിൽ ബുദ്ധിമുട്ട്, മരങ്ങൾ കടപുഴകി വീഴൽ, അയഞ്ഞ വസ്തുക്കൾ പറന്നു പോകൽ, വൈദ്യുതി തടസ്സങ്ങൾ, തിരമാലകൾ  എന്നിവ അനുഭവപ്പെടാമെന്ന് മെറ്റ് ഐറാൻ മുന്നറിയിപ്പ് നൽകി.

#StormFloris⚠️Yellow Warnings

⚠️Wind Warning - Clare, Galway, Mayo, Sligo
⏲️Mon 02:00 to 13:00

⚠️Wind Warning - Cavan, Donegal, Monaghan, Leitrim
⏲️Mon 04:00 to 16:00

⚠️ Rain Warning - Donegal, Galway, Leitrim, Mayo, Sligo
⏲️Mon 02:00 to 10:00

Visitℹ️https://t.co/fnH5Jnsmdb pic.twitter.com/md7nchPS8T

— Met Éireann (@MetEireann) August 2, 2025

മഴ മുന്നറിയിപ്പുള്ള പ്രദേശങ്ങളിൽ പ്രാദേശികമായി വെള്ളപ്പൊക്കവും ഇടിമിന്നലും ഉണ്ടാകാനുള്ള സാധ്യത കൂടുതലാണ്. 

അയർലണ്ടിൽ, മെറ്റ് ഐറാൻ നൽകുന്ന സ്റ്റാറ്റസ് യെല്ലോ വെതർ അലേർട്ടുകൾ, പ്രാദേശിക തലത്തിൽ അപകടകരമായേക്കാവുന്ന കാലാവസ്ഥാ സാഹചര്യങ്ങളെ സൂചിപ്പിക്കുന്നു, എന്നാൽ പൊതുജനങ്ങൾക്ക് ഭീഷണിയല്ല. ഈ അലേർട്ടുകളുടെ ഉദ്ദേശ്യം, അവരുടെ സ്ഥാനം അല്ലെങ്കിൽ പ്രവർത്തനം കാരണം അപകടസാധ്യതയുള്ളവരെ പ്രതിരോധ നടപടികൾ സ്വീകരിക്കാൻ ഉപദേശിക്കുക എന്നതാണ്.