ഹോര്‍മുസ് കടലിടുക്കില്‍ എണ്ണ ടാങ്കറിന് നേരെ മിസൈല്‍ ആക്രമണം

മസ്കറ്റ്: ഹോർമുസ് കടലിടുക്കിൽ ഒമാനു സമീപം എണ്ണ ടാങ്കറിനു നേരെ മിസൈൽ ആക്രമണം. യു കെ മാരിടൈം ട്രേഡ് ഓപ്പറേഷന്സാണ് ആക്രമണത്തിന്റെ വിവരം പുറത്തുവിട്ടത്.

ആളപായമോ എണ്ണ ചോര്ച്ചയോ റിപ്പോര്ട്ട് ചെയ്തിട്ടില്ല. ഒമാനി പട്ടണമായ ഖസബിന് ഏകദേശം 30 കിലോമീറ്റർ കിഴക്കാണ് അപകടമുണ്ടായത്. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.

ഒരാഴ്ചയ്ക്കിടെ ഹോര്മുസിൽ കപ്പലുകൾക്ക് നേരെ നടക്കുന്ന മൂന്നാമത്തെ ആക്രമണമാണിത്. ഇക്കഴിഞ്ഞ 25-ാം തിയതി കപ്പലിന് നേരെയുണ്ടായ ആക്രമണത്തെ തുടര്ന്ന് കപ്പലിന് തീപിടിക്കുകയും കപ്പലിന്റെ ക്രൂ അംഗങ്ങൾ നീണ്ട പരിശ്രമത്തിനൊടുവില് തീ അണയ്ക്കുകയും ചെയ്തിരുന്നു.