ന്യൂജേഴ്സി: കുട്ടികളെ ലൈംഗികമായി ചൂഷണം ചെയ്യുന്ന ദൃശ്യങ്ങള് ബോധപൂർവം കൈവശം വയ്ക്കുകയും കാണുകയും ചെയ്ത കേസില് ന്യൂജേഴ്സിയില് താമസിക്കുന്ന ഇന്ത്യൻ വംശജൻ കുറ്റസമ്മതം നടത്തി.
തുടർന്ന് നടത്തിയ വിശദമായ പരിശോധനയില് ഇയാളുടെ ഇലക്ട്രോണിക് ഉപകരണങ്ങളില് നിന്ന് മുന്നൂറിലധികം അശ്ലീല ചിത്രങ്ങള് യു.എസ് നീതിന്യായ വകുപ്പ് കണ്ടെടുത്തു. ഇതില് മൂന്ന് വയസ്സ് മാത്രം പ്രായമുള്ള കുഞ്ഞിനെ മുതിർന്ന ഒരാള് ലൈംഗികമായി പീഡിപ്പിക്കുന്ന അതീവ ഗുരുതരമായ ദൃശ്യങ്ങളും ഉള്പ്പെടുന്നു.
കേസില് കുറ്റക്കാരനെന്ന് കണ്ടെത്തിയ അഭിഷേകിന് ഫെഡറല് നിയമപ്രകാരം പരമാവധി 20 വർഷം വരെ തടവുശിക്ഷ ലഭിക്കാം. വരും വർഷം, അതായത് 2027 ജനുവരി 6-ന് ഇയാളുടെ അന്തിമ ശിക്ഷാവിധി കോടതി പ്രഖ്യാപിക്കും. യു.എസ് ശിക്ഷാ മാർഗ്ഗനിർദ്ദേശങ്ങളും മറ്റ് നിയമപരമായ ഘടകങ്ങളും പരിശോധിച്ച ശേഷമായിരിക്കും ഫെഡറല് ഡിസ്ട്രിക്റ്റ് കോടതി ജഡ്ജി ശിക്ഷ നിശ്ചയിക്കുക.
ബർഗൻ കൗണ്ടി പ്രോസിക്യൂട്ടർ ഓഫീസിന്റെ സൈബർ ക്രൈംസ് യൂണിറ്റിൻ്റെ സഹായത്തോടെ എഫ്.ബി.ഐയുടെ നെവാർക്ക് ഫീല്ഡ് ഓഫീസാണ് ഈ കേസ് അന്വേഷിക്കുന്നത്. കുട്ടികള്ക്കെതിരെയുള്ള ലൈംഗിക അതിക്രമങ്ങളും ചൂഷണങ്ങളും തടയുന്നതിനുള്ള യു.എസ് സർക്കാരിൻ്റെ ശക്തമായ നടപടികളുടെ ഭാഗമാണ് ഈ കേസിലെ സുപ്രധാനമായ കുറ്റസമ്മതമെന്ന് ജസ്റ്റിസ് ഡിപ്പാർട്ട്മെന്റ് ക്രിമിനല് ഡിവിഷൻ അസിസ്റ്റൻ്റ് അറ്റോർണി ജനറല് എ. ടൈസൻ ഡുവ വ്യക്തമാക്കി.
കുട്ടികളെ ചൂഷണം ചെയ്യുന്ന ക്രിമിനലുകളെ കണ്ടെത്താൻ എഫ്.ബി.ഐയുടെ അന്വേഷണം കൂടുതല് ഊർജ്ജിതമായി തുടരുമെന്ന് നെവാർക്ക് ഫീല്ഡ് ഓഫീസ് സ്പെഷ്യല് ഏജൻ്റ് സ്റ്റെഫാനി റോഡിയും അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ (യു ക് മി) UCMI കമ്മ്യൂണിറ്റിയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.