ഷാര്ജ: ഷാര്ജയില് മൂന്ന് നില കെട്ടിടത്തില് നിന്ന് വീണ് മലയാളി ബാലികയ്ക്ക് ദാരുണാന്ത്യം. ഷാര്ജ അല് നബ്ബയില് താമസിക്കുന്ന കാസര്കോട് മൊഗ്രാല് സ്വദേശി മുബാറക് അലിയുടെ മകള് സഫ(7)യാണ് മരിച്ചത്.
ഗുരുതര പരിക്കേറ്റ കുട്ടിയെ ഉടന് അല് ഖാസിമി ആശുപത്രിയിലെത്തിച്ചെങ്കിലും രാവിലെ പതിനൊന്നോടെ മരിച്ചു. അജ്മാനിലെ ഒരു സ്വകാര്യ സ്കൂളില് രണ്ടാം ക്ലാസ് വിദ്യാര്ത്ഥിനിയായിരുന്നു സഫ. മുബാറക് ദുബായ് ആശുപത്രിയില് ലാബ് ടെക്നിഷ്യനാണ്. മുര്ഷിദ ഷാര്ജയിലെ റിയല് എസ്റ്റേറ്റ് കമ്പനിയിലും ജോലി ചെയ്യുന്നു.
കഴിഞ്ഞ 8 വര്ഷമായി ഷാര്ജയില് താമസിക്കുന്ന സഫയും കുടുംബവും അവധിക്ക് നാട്ടിലെത്തി തിരിച്ചെത്തിയിട്ട് അധിക ദിവസമായിട്ടില്ല. മൃതദേഹം അല് ഖാസിമി ആശുപത്രി മോര്ച്ചറിയിലേയ്ക്ക് മാറ്റി
ഇവിടെ പോസ്റ്റു ചെയ്യുന്ന അഭിപ്രായങ്ങൾ (യു ക് മി) UCMI കമ്മ്യൂണിറ്റിയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.