മസ്കത്ത്: ഒമാനിൽ ഉപഗ്രഹ സാങ്കേതികവിദ്യ ഉപയോഗിച്ചുള്ള അതിവേഗ ഇന്റര്നെറ്റ് ബന്ധം വികസിപ്പിക്കുന്നതിനായി രാജ്യത്തെ ടെലികോം സേവനദാതാക്കളായ ഒമാന്ടെലും ചൈനീസ് ഉപഗ്രഹ കമ്പനിയായ ഗാലക്സിസ്പേസും സഹകരിക്കുന്നു.
ഭൂമിയിൽനിന്ന് താരതമ്യേന കുറഞ്ഞ ഉയരത്തിൽ സഞ്ചരിക്കുന്ന ഉപഗ്രഹങ്ങളാണ് താഴ്ന്ന ഭ്രമണപഥ ഉപഗ്രഹങ്ങൾ. ഇത്തരം ഉപഗ്രഹങ്ങൾ വഴി കുറഞ്ഞ സമയത്തോടെ അതിവേഗ ഇന്റര്നെറ്റ് ബന്ധം ലഭ്യമാക്കാൻ സാധിക്കും. നിലവിലുള്ള ഭൂതല ശൃംഖലകള് എത്തിക്കാൻ ബുദ്ധിമുട്ടുള്ള വിദൂര പ്രദേശങ്ങളിലും ഈ സാങ്കേതിക വിദ്യ പ്രയോജനപ്പെടുത്താനാകും.
ഒമാനിലെ ഡിജിറ്റല് അടിസ്ഥാന സൗകര്യം കൂടുതൽ ശക്തിപ്പെടുത്തുന്നതിനും രാജ്യത്തിന്റെ വിവിധ ഭാഗങ്ങളിൽ മികച്ച ഇന്റര്നെറ്റ് ബന്ധം ഉറപ്പാക്കുന്നതിനും പുതിയ സഹകരണം സഹായിക്കുമെന്നാണ് പ്രതീക്ഷിക്കുന്നത്.
ഉപഗ്രഹ അധിഷ്ഠിത ഇന്റര്നെറ്റ് സേവനങ്ങളുടെ സാധ്യതകള് വിലയിരുത്തുന്നതിനൊപ്പം സാങ്കേതിക വിദ്യയുടെ പ്രായോഗിക ഉപയോഗവും പരീക്ഷണ പദ്ധതികളിലൂടെ പരിശോധിക്കും. വിജയകരമായാൽ ഭാവിയില് കൂടുതൽ വിപുലമായ ഉപഗ്രഹ ഇന്റര്നെറ്റ് സേവനങ്ങൾക്ക് ഇത് വഴിയൊരുക്കിയേക്കും. ഒമാനിലെ ടെലികോം മേഖലയെ കൂടുതൽ ആധുനികവല്ക്കരിക്കുകയും രാജ്യത്തിന്റെ ഡിജിറ്റൽ പരിവര്ത്തനത്തിന് വേഗം കൂട്ടുകയും ചെയ്യുന്നതിന്റെ ഭാഗമായാണ് പുതിയ നീക്കം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ (യു ക് മി) UCMI കമ്മ്യൂണിറ്റിയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.